Outros proxectos
En A Panadaría confiamos nas infinitas posibilidades do teatro para facernos conectar con outras persoas, alimentar a empatía, fomentar o diálogo e facernos xogar e gozar. Por iso, na nosa traxectoria, desenvolvemos proxectos de mediación, educativos, de divulgación, en defensa da igualdade, de asesoría e composición musical para outras compañías, e tamén labores de dirección artística de eventos como entregas de premios, congresos, ou galas.
Actividades Paralelas
Lúa de mel de Elisa e Marcela
Unhas xornadas itinerantes que acompañaron a xira de despedida do espectáculo máis premiado da compañía.
Actividades Paralelas
Elisa e Marcela, o cumio do iceberg
Unha mesa redonda entre Gena Baamonde, Daniela Ferrández e Eva Mejuto para afondar nos referentes LGBTIQ+ pasados e presentes en Galicia.
Actividades Paralelas
Obradoiro de conciliación
Unha alternativa para que as persoas adultas de familias con crianzas poidan asistir ao teatro. Durante a función, ofrecimos un obradoiro lúdico para a rapazada.
Actividades Paralelas
Saca o macho!
Un obradoiro de drag king para sacar o macho que levamos dentro a través da maquillaxe e a caracterización.
Libro
Elisa e Marcela, edición especial xira despedida
Unha edición especial do texto do espectáculo na que se inclúen fotografías, partituras e artigos especializados.
Libro
As que limpan / Las que limpian
Edición bilingüe (e harmónica) do texto e partituras orixinais desta sátira utópica.
Actos
Hai quen nunca limpou un váter
Hai quen nunca limpou un váter e hai quen limpa 500 ao mes. Convidamos unha camareira de piso veterana, unha ilustradora atravesada pola especulación urbanística e unha economista feminista a conversar sobre turismo, limpeza e coidados.
Libro
Elisa e Marcela
Por primeira vez, recóllese nun libro o texto orixinal do multipremiado espectáculo Elisa e Marcela.
Colaboracións
Asesoría e música para A cazola de Lola de Tanxarina
Acompañamos a creación da Cazola de Lola da nosa admirada compañía de monicreques Tanxarina no seu 40º aniversario.
Audiovisual
Cancións do verán
Tres xoguetes musicais que celebran o verán, ese tempo do "dolce far niente".
Audiovisual
Parola inútil
Rexistramos en vídeo para o Centro Dramático Nacional unha das conversas interxeracionais que organizamos no noso local entre os anos 2020 e 2021.
Audiovisual
Videos para a Unidade de Igualdade da Universidade de Vigo
Tres vídeos que mesturan ironía, parodia e humor para chamar a atención sobre a desigualdade, a invisibilización e o acoso na Universidade de Vigo.
Presentacións
Presentación Revista Píkara número 7 en papel
Abrimos por primeira vez as portas do noso forno para a presentación en Galicia do número sete da revista de xornalismo feminista Pikara Magazine.
Audiovisual
Manual do Macho Ibérico
Videoclip testosterónico do Manual do Macho creado especialmente para as xornadas Pensar con Orgullo.
Actos
Acto de renomeamento edificios UVigo (Exeria, Filomena Dato e Ernestina Otero)
O habitual é que unha compañía teatral faga obras, pero unha obra vestidas de albaneis con mono azul e casco de seguridade?
Actividades Paralelas
Elisa e Marcela toman as rúas
Botamos a Elisa e Marcela a ruar pola Coruña nunhas xornadas que homenaxean este célebre matrimonio de mestras e outras disidencias sexuais e de xénero.
Actividades Paralelas
Mulleradas
Un faladoiro de sexualidade, identidade e pracer para mulleres que xa atravesaron a menopausa.
Actividades Paralelas
Tortigrafías
Unha cartografía crítica e subxectiva da cidade da Coruña e da súa seguridade e habitabilidade para lesbianas, trans e gais.
Actividades Paralelas
Trotadas
Un roteiro teatralizado e sensorial que nos redescobre as rúas da Coruña desde a ollada das dúas matrimoniadas.
Actividades Paralelas
Exposición
Exposición que reuniu os vestixios visuais e sonoros xerados durante as actividades de Elisa e Marcela toman as rúas.
Galas
Presentación da Gala dos II Premios Youtubeir@s
Nesta gala fachendeamos con orgullo de centos de creadoras de contido virtual na nosa lingua. Unha celebración dos titoriais enxebres e os unboxings do país artellada por unhas millennials do paleolítico.
Colaboracións
Colaboración con Artesa Cía para “Chola, a it girl”
Hai quen mete o barco nas pedras e hai quen, coma Chola, mete un Opel Calibra no escenario dun teatro. Con ela tomamos kiwis e botamos uns bailes.
Galas
Dirección artística e presentación dos IV Premios Martín Códax da Música
As Pataconas convértense en anfitrioas deste banquete de premios onde fixemos un percorrido por toda a gastronomía musical do país.
Campañas
Campañas 8M
Porque nos peta e porque nos dá a gana. Tres proxectos visuais que defenden a igualdade.
Recitais
A violencia dun sorriso
Un recital dos versos da poeta támil Tamizhachi Thangapandian para a ONGD Implicadas no Desenvolvemento.
Colaboracións
Ultranoites de Chévere
Sumámonos á xente Chévere en dúas Ultranoites, o cabaré político e perralleiro máis icónico da cultura galega.
Galas
Gala para 82º Congreso Internacional do Pen Clube
Erguer pontes literarias entre diferentes culturas é o obxectivo principal desta gala que abriu o Congreso Internacional do Pen Club.
Galas
Dirección artística e presentación dos III Premios Martín Códax da Música
Na III gala dos Premios da Música Galega Martín Códax remexemos nas marxes da música galega para festexar a escena máis plural.
Cursos
Curso O actor físico
Curso técnico e creativo para o actor físico (e actrices tamén, claro, pero daquela aínda non estabamos postas na linguaxe inclusiva).
Actos
Presentación acto Espazo Coop
Unha cooperativa de vacas pode parecer o máis normal ata que as vacas empezan a dar leite de soia.