Presentación acto Espazo Coop

Sketch humorístico que ironiza sobre a innovación tecnolóxica e a idea de progreso, ao tempo que reivindica os valores cooperativistas da igualdade, a corresponsabilidade ou a solidariedade. Esta acción creouse especificamente para celebrar o Día do cooperativismo que levaba por lema “Unha oportunidade para cambialo todo”.

Carme Rodríguez é unha emprendedora cunha grande idea e moi poucos escrúpulos. No seu afán por aproveitar os incentivos fiscais para o fomento da creación de cooperativas salta por riba de calquera valor do cooperativismo. O proxecto, ao que se lle suman dúas voluntarias, é a “cowperativa”, unha cooperativa de vacas 3D que comen soia e, polo tanto, dan leite de soia (de vaca). Un delirio escénico. Outra vaca no millo! (Ou na soia).