Curso O actor físico

Formación organizada no marco do proceso de creación do noso espectáculo Panamericana.
O actor físico (consciencia, expresividade, técnica e creatividade) estaba dirixido a actrices e actores que quixeran afondar no teatro físico e xestual baseado nas ensinanzas de mimo corporal e a pantomima ilusoria procedentes das pedagoxías de Decroux, Lecoq, Marceau e Tomasziewski.

Laia Oliveras, actriz, cantante e docente, traballou coas compañías Res de res, la Fura del Baus ou Els Comediants. Neste obradoiro propuxo un estudo lúdico a partir das calidades de movemento que aparecen coa combinación de intensidade, temporalidade, especialidade e intencionalidade. Estas xornadas convertéronse nun espazo de investigación para a tradución de emoción e pensamento en movemento e, ao tempo, para o encontro, o xogo e o pracer compartido.