A compañía
A Panadeira? A Pandaría? A PanadEría? La Panadaira? Como raio se chaman estas mulleres?
A Panadaría somos nós: Areta Bolado, Noelia Castro e Ailén Kendelman. Gustounos chamarnos así porque unha de nós tiña unha avoa, unha bisavoa e unha tataravoa panadeiras, porque amasamos un teatro artesán e porque o pan sempre cae ben (non sendo que manduques unha bola de dous quilos). Chamámonos A Panadaría, en galego e con moitos as.
As nosas montaxes teatrais
Do forno de A Panadaría, aberto desde 2013, saíron espectáculos con poucos aderezos e moito arrecendo a humor irreverente e crítica social. O noso último proxecto é As que limpan (2022), despois de Elisa e Marcela (2017), Panamericana (2015) e Pan!Pan! (2013). Neste camiño recibimos máis dunha ducia de premios polo noso teatro e valores feministas.
Próximas funcións
Prensa
Durante estes anos os xornais, radios, revistas, televisións, e mesmo youtubeir@s, entrevistáronnos ou falaron dos proxectos de A Panadaría. Nós non che imos poñer a feder A Panadaría, así que aquí podes ler o que dixo outra xente sobre o noso labor.
«As que limpan atopa a virtude do equilibrio entre a pericia teatral, a comicidade e o compromiso esperanzador»
«Sin proyectores, pantallas ni microfonía, A Panadaría hace cine»
«Un canto al amor valiente y, a la vez, un homenaje y una reivindicación»
Queres falar con nós?
En A Panadaría gústanos ter liña directa con vós, tanto ten que sexas unha persoa espectadora de teatro, artista, activista, xestora cultural, empresa… Se ti queres falar con nós, nós queremos falar contigo. Preme no cadradiño amarelo para poñerte en contacto connosco.