PAN!PAN!
O primeiro espectáculo de A Panadaría foi medrando nunha xira polos bares do país e rematou definindo a que sería a nosa linguaxe teatral.
Pan! Pan! é unha parodia, con música vocal en directo, dos westerns norteamericanos. Harry, un cowboy ianqui viaxa de Mississippi a Arkansas perseguindo un indio salvaxe que (disque) lle roubou a muller, da que está profundamente namorado.
Para nos contaren a aventura deste antiheroe, as tres actrices encarnan a masculinidade tópica e grotesca dos ranchos vaqueiros e as fedorentas cantinas do Far West.
Premios
1º Premio Xuventude Crea 2013
Premio da Crítica Galicia 2015
Areta Bolado Premio María Casares a Mellor Actriz Secundaria 2015
Nomeación Premio María Casares a Mellor Música Orixinal 2015
Trailer Pan! Pan!
Pan! Pan! Un espectáculo nunha cinta
Pan! Pan! A opinión do público
Trailer Pan! Pan!
Pan! Pan! Un espectáculo nunha cinta
Pan! Pan! A opinión do público
Críticas
«Unha viravolta fresca e radical. Un salto sen rede que promete un futuro cheo de teatro».
Roi Vidal. Revista Galega de Teatro
«PAN!PAN! será un espectáculo de éxito durante o 2015 e as súas actrices terán moito que dicir no teatro galego do futuro, sen dúbida. Non deixen de velo».
Inma López Silva. Revista Tempos Novos
«Un desafío. PAN!PAN! é teatro proletario: traballar, traballar e traballar ata que as cousas saen ben».
Camilo Franco. Diario Cultural CRTVG
«Corpos áxiles, fortes, imparables. Corpos de mulleres, fóra do común, ideas de mulleres, fóra do común».
María Xosé Queizán. Praza Pública
«Pese a que o escenario estaba baleiro o que viron os espectadores era teatro completo».
Camilo Franco. Revista Galega de Teatro
Equipo
Creación e interpretación: Areta Bolado, Noelia Castro e Ailén Kendelman
Idea orixinal / texto: Areta Bolado
Música orixinal: Ailén Kendelman
Atrezzo: Isabel Mouzo
Iluminación: Montse Piñeiro
Fotografía: Pilar Abades
Deseño gráfico: Noelia Castro
