PAN!PAN!

O primeiro espectáculo de A Panadaría foi medrando nunha xira polos bares do país e rematou definindo a que sería a nosa linguaxe teatral. Pan! Pan! é unha parodia, con música vocal en directo, dos westerns norteamericanos. Harry, un cowboy ianqui viaxa de Mississippi a Arkansas perseguindo un indio salvaxe que (disque) lle roubou a muller, da que está profundamente namorado. Para contarnos a aventura deste antiheroe, as tres actrices encarnan a masculinidade tópica e grotesca dos ranchos vaqueiros e as fedorentas cantinas do Far West.