Panamericana

Panamericana é unha comedia musical con sabor a guiso tropical no que tres actrices interpretan 24 personaxes. Miranda Celia del Río é unha artista de éxito no seu país, Panamérica, pero a presión da fama fai que fuxa na procura dunha vida mellor.

A súa escapada lévaa até a Provincia, unha vila na que se vai ter que enfrontar ao labiríntico e absurdo aparello burocrático, sanitario e financeiro. Panamericana fala dun sistema racista e perverso dende unha óptica caricaturesca e esperanzadora. Unha festa teatral de cor, pluma e música.